3rd Huniño

Ni   Sanden J. Anadia

 Nagmalampuson ang gipahigayong 3rd Huniño: Halad Alang Kang Señor Santo Niño Songwriting Competition niadtong Lunes sa gabii, Abril 27, 2009 sa Sto. Niño Pilgrim Center of the Basilica.

   Nakaangkon sa first place  ang komposisyon ni  Engr. Emmanuel L. Abellana nga  "Santo Niño, Kaluwasan Koâ€? nga gi-interpret ni Oscar Pagas.

   Ang maong awit naghisgot  nga ang mahal nga senyor maoy tinubdan sa mga kasulbaran sa panahon sa kalisod busa ipabilin gyud an gig-ong pagsalig ngadto kaniya.

     Si Abella na nag-alagad isip National Statistics Office District Statistics Officer ,  trainer/conductor usab siya sa San Isidro Labrador Parish Choir ug Alay sa Diyos Praise Ministry.

    “ Salamat sa tanan nga misuporta sa pag-apil nako sa contest ug inspirason gyud nako sa paghimo  sa maong awit ang Ginoo gyudâ€? nagkanayon si Abellana dinhi sa Banat Hugyaw.

  Samtang ang iyang interpreter nga si Oscar gibayaw usab sa kalipay human niya matagai og hustong kinabuhi ang komposisyon ni Abellana.

   “ Importante gyud na nga duna gyud ka’y pasalig sa kahitas-an , salamat sa tanang suporta,â€? dalikyat pa ni Oscar.

    Samtang ang nakakuha sa ikaduhang puwesto ang awit nga  â€œPaminawa ako Sto. Niño nga tinagik ni Ronald Tuico ug gi-interpret ni Allanito S. Lauron uban usab sa partisipasyon sa Gaudete Choir.

 Ang maong awit naghisgot nga sa mga problema nga maabot  sa imong kaugalingon ang mahal na senyor maoy mahimo nimo nga kadangpan.

Suma pa sa Gaudete Choir nga daghan ug paagi ang pag-ampo,  ang pag-awit maoy usa sa ilang gipili nga estilo sa pag-ampo.

   “ Puros gyud nindot ang tanabg finalists maong wa gyud ko magdahom n ga mag-second mi, basta kining tanan amo gihalad kang Señor Sto. Niño kay siya naghatag og guide sa among grupo nga magmalampuson,â€? butyag pa ni Tuico.

 Samtang nakakuha sa ikatulong sa puwesto ang komposisyon ni Engr. Bernardo Gocela nga nag-ulohan og “Señor Santo Niño, Batang Hesusâ€? nga gitagaan og kinabuhi sa 10 anyos nga batang babaye nga si Athessa Poulene Sagales.

 â€œ Nalipay ko og mayo nga aakng komposisyon maoy usa sa nidaug. This is my first time nga niapil ko og  Huniño Songwriting competition ,salamat kaayo sa tanang grasya  nga nadawat gikan sa Ginoo.â€? matud pa ni Gocela.

 Ang maong awit naghisgot sa way kahutdanan nga gugma sa Ginoo ngadto sa mga tawo pinaagi sa pagbubo og maayong mga butang   ug ipabilin ang ang kanunay’ng pag-pasalamat ngadto kaniya sa tanang grasya nga imong madawat.

   Samtang giangkon ni Gocella nga iyang nadiskubre ang iyang interpreter nga si Athessa sa usa ka mall diin iya kining nakit-an nga niapil og usa ka singing contest busa wa siya magduha-duha sa pagtanyag niini nga pakantahon sa iyang komposisyon.

“ Katong ni-offer siya kay nidawat dayon kay hileg man gud ko og kanta. Gi-nerbiyos ko gamay sa stage pero   naa permi sa akong mind nga mag-enjoy lang gyud sa pagkanta aron dili ko makulbaan, “ matud pa ni Athessa kinsa mo-grade 5 na inig-abli sa klase karong Hunyo sa Maria Montessori International School .

 
 Nakasalmot na si Athessa  og nagkadaiyang singing contests sama sa  2006 Little Big Star Little Division diin nahimo siya nga monthy finalist . Nahimo usab siya nga finalist sa  2007 3rd National Radyoke Challenge.

Mipuno sa kahugyaw niadtong gabhiona ang  presensiya sa World Champion nga si Jed Madela kinsa mihalad og upat ka inspirational songs ngadto sa mga audience.

Nahuman sa pagtungha si Jed sa College of San Augustine sa Iloilo City busa iyang gikalipay nga nahio siyang parte sa maong event.
Ang project director sa  3rd Huniño Songwriting mao si Rev. Fr. Raymundo T. Alcayaga, OSA mapasalamaton  sa liboan sa mga tawo nfa mitambong biadtong gabhiona.
     Mapalit na ang kopya sa 12 ka mga finalists 3rd Huniño  sa  Sto. Niño Store ug ang kita niini mapunta sa   Basilica del Sto. Niño Children’s Welfare Foundation, Inc.   aron itabang sa pagpa-iskwela sa mga  bata nga nanginahanglan .